കാലം അവന്റെ കാമത്തില്‍ -
കനല്‍ കോരിയിട്ടു.......
അങ്ങനെ അവന്റെ വികാരങ്ങള്‍ക്ക് -
തീ പിടിച്ചു.....
പൊള്ളി തുടങ്ങിയപ്പോള്‍ -
അവന്‍ വെള്ളത്തില്‍ ഊളിയിട്ടു....
അവനിലെ തീയിനു പടരാന്‍ -
മാധ്യമം ഇല്ലാത്തതുകൊണ്ട്
അവിടെ നിന്നും പൊങ്ങി.....
ദാരിദ്രത്തിന്റെ വേനലില്‍ -
കരിഞ്ഞ പുല്‍നാമ്പുകളില്‍
തന്റെ വികാരത്തിനു പിടിച്ച -
തീയിനെ പടര്‍ത്താന്‍ -
കടിഞ്ഞാന്‍ പൊട്ടിയ ഭ്രാന്തന്‍ -
കുതിരയെപ്പോലെ അവന്‍ പാഞ്ഞു കൊണ്ടേയിരുന്നു......
പോയ വഴിയിലെല്ലാം ആ -
കനലുകള്‍ അവന്‍ ഇളക്കിയിട്ടു.....
തീ പിടിക്കാന്‍ കാത്തിരുന്ന
പുല്‍നാമ്പുകള്‍ കത്തിയടങ്ങി......
അല്ലാത്തവ വാടിക്കരിഞ്ഞു.....
അവന്‍ ഓടിക്കൊണ്ടേയിരിക്കുന്നു....
അവന്റെ വികാരം കത്തിതീരും വരെ...
അവന്‍ വീഴുമ്പോള്‍ ,തീ പിടിച്ച -
മറ്റൊരു ഭ്രാന്തന്‍ കുതിര -
ആ വഴിയില്‍ യാത്ര തുടരുന്നു......
കുട്ടന്‍ പരിപ്പായി(ഹരിനാരായണന്‍ )
No comments:
Post a Comment