______________________
കണ്ടിട്ടും കാണാതെ,
കേട്ടിട്ടും കേൾക്കാതെ,
ഏതോ അജ്ഞതയിലാറാടി-
കുലംകുത്തി നടക്കുന്നതിനിടയിൽ
ജീവിതം അവളുടെ യൌവ്വനത്തുടിപ്പോടെ -
വന്നു കൊഞ്ചിയിട്ടും,കരഞ്ഞിട്ടും
കാണാതെ കേൾക്കാതെ തട്ടിമാറ്റി
കുതിച്ചു പായുന്നതിനിടയിൽ ,
ഇടയിലെപ്പോഴോ,അവളെ തൊട്ട മാത്രയിൽ
പൊള്ളിയടർന്നു പോയ് വിരലുകൾ-
ഉടൽ വെന്തു കീറി വ്രണമായി....
അന്നെന്റെ കണ്ണുകൾ കാഴ്ചകൾ കണ്ടു,
അലമുറയുടെ ശബ്ദം കേട്ടു ചെവികൾ... ..
ഇന്നവൾക്ക് പഴയ താപമില്ല,......
നനുത്ത കുളിരുള്ള ഉടലാനവൾക്ക്,
ഇന്ന് ഞാനവളുടെ കൂടെയാണ്,........
അല്ലെങ്കിൽ അവൾ എന്റെ കൂടെയാണ്,....
അതുമല്ലെങ്കിൽ ഞങ്ങളൊന്നാണ്,.....
_______________________________
ഹരിനാരായണൻ പരിപ്പായി —
No comments:
Post a Comment